http://repo.lib.sab.ac.lk:8080/xmlui/handle/123456789/561 2026-04-17T12:33:54Z http://repo.lib.sab.ac.lk:8080/xmlui/handle/susl/4418 Akyana volume 9 Issue 1 cover page 2024-01-01T00:00:00Z http://repo.lib.sab.ac.lk:8080/xmlui/handle/susl/4417 ජ්‍යාමිතික මෝස්තර හා රටා වර්ගීකරණය සහ විශ්ලේෂණය: හඟුරන්ගෙත විෂ්ණු දේවාලයේ පෙතිකඩ සිතුවම් ඇසුරෙන් දිල්රුක්‍ෂි, එස්. එම්. කලාත්මක ප්‍රකාශනවලට ආවේණික වූ අද්විතීය නිර්මාණ රටා සහ ශිල්පීය ක්‍රම තුළ පැහැදිලි සමාජ අනන්‍යතා සහ සාරධර්මවල ප්‍රකාශනය මූර්තිමත් වේ. මෙම සංසිද්ධිය විදහා දක්වන පුරාවිද්‍යාත්මක වටිනාකමකින් යුත් හඟුරන්කෙත විෂ්ණු දේවාලයේ සංකීර්ණ මෝස්තරවලින් අලංකාර කරන විශිෂ්ට ලෙස නිමවන ලද පෙතිකඩ සිතුවම් දෙකකි. මෙම අධ්‍යයනය මගින් එහි එක් පෙතිකඩ සිතුවමක් නියැදිය ලෙස භාවිත කෙරිණ. එහි පනේල තුනක චිත්‍රණය කර ඇති කාන්තා සහ පුරුෂ රූපවල ඇඳුම් සඳහා යොදාගෙන ඇති ජ්‍යාමිතික මෝස්තර රටා අධ්‍යයනයට ලක් කරමින් ඒවා ජ්‍යාමිතික මූලධර්ම මත පදනම්ව එම මෝස්තර රටා පිළිබඳ විස්තරාත්මක වර්ගීකරණයක් හා මෙම නිර්මාණවලට ආවේණික වූ ජ්‍යාමිතික මාන පිළිබඳ සියුම් ගවේෂණයක් සිදු කෙරිණ. මෙම අධ්‍යයනයේ “ජ්‍යාමිතික” යන යෙදුම රූපමය සහ මල් රටා බැහැර කරන සීමාකාරී අර්ථයකින් භාවිත කර නොමැති බව සඳහන් කිරීම අත්‍යවශ්‍ය වේ. ඒ වෙනුවට, එහි යෙදුම අවධාරණය කරන්නේ මෝස්තරවලට පහළින් පවතින ජ්‍යාමිතික ව්‍යුහය පිළිබඳවය. පසුකාලීන ජ්‍යාමිතික අධ්‍යයනයන් කලාත්මක සංකීර්ණතා පිළිබඳ පුළුල් අවබෝධයක් සඳහා දායක වන අතර, ජ්‍යාමිතික සැලසුම් අංග සහ මෙම කලාත්මක ප්‍රකාශන තුළ අන්තර්ගත වූ පුළුල් සංස්කෘතික හා සෞන්දර්යාත්මක මාන අතර ඇති සංකීර්ණ අන්තර්ක්‍රියාකාරිත්වය පිළිබඳ ආලෝකය විහිදුවයි. 2024-04-05T00:00:00Z http://repo.lib.sab.ac.lk:8080/xmlui/handle/susl/4416 The Influence of English Language in the Production of Mixed Compounds in Colloquial Sinhala Gamage, Upul Priyantha; Dilani, Nipunika Language contact as an inevitable and global phenomenon has produced rich literature in sociolinguistic studies after the 1950s. Among various types of language contacts, lexical influence is prominent irrespective of the language. The main objective of this study is to find out and explore English-influenced compounds in the colloquial Sinhala language. Sinhala is the majority language in Sri Lanka and is spoken by almost 20 million people. Apart from secondary data sources and previous literature employed in this research, the primary data was collected from the chunk recordings from public media television programmes, particularly the feature programmes that use colloquial spoken language and from language classrooms of a state-run university in Sri Lanka. Qualitative content analysis was the data analytical technique, thus, the research approach has become qualitative. The study has established six major types of compound formation processes resulting from the direct influence of the English language. Their realisations in colloquial Sinhala in different contexts are presented with contextual-based examples. This study concludes that the emergence of mixed compounds in colloquial Sinhala has been excessively boosted by the direct influence of the English language and that this has produced a considerable structural change in the colloquial Sinhala language with special reference to mixed lexical formation. 2024-04-02T00:00:00Z http://repo.lib.sab.ac.lk:8080/xmlui/handle/susl/4415 පුරවැසි ගැටලු හා අභියෝග: ආන්තීකරණ ප්‍රජාවක් ලෙස මලෛයග දමිළ ප්‍රජාවගේ සමාජ ආර්ථික දේශපාලනික අර්බුදය ගුණසේකර, සුරංජිත් ශ්‍රී ලංකාව තුළට වර්ෂ 1823-1824 දී දකුණු ඉන්දියානු දමිළ ප්‍රජාවක් පැමිණි අතර ඔවුන් මෙරට වතු වගාවන් සඳහා ගෙන්වා ගන්නා ලදී. ඉන් පිරිසක් මෙරට ස්ථීර වශයෙන් පදිංචි වූ අතර ඔවුන්ට පුරවැසිභාවය පිළිබඳ ගැටලු විටින් විට මතුවිය. නමුත් 2003 අංක 35 දරණ පුරවැසිභාවය පිළිබඳ පනත සංශෝධනය කරමින් සියලුම ඉන්දීය දමිළ ප්‍රජාවන්ට පුරවැසිභාවය ලැබී අවසන් විය. නමුත් මොවුන්ගේ පුරවැසිභාවය පිළිබඳ වර්තමානයේ ප්‍රහේළිකාවක් බවට පත්වන්නේ ඔවුන්ගේ ජීවන තත්ත්වය හේතුවෙනි. ඒ අනුව මෙම අධ්‍යයනයේ ප්‍රධාන ගැටලුව බවට පත්වූයේ සුළුතර ප්‍රජාවක් ලෙස මලෛයග දමිළ ප්‍රජාව දීර්ඝ කාලීන සමාජ ආර්ථික හා දේශපාලනික ප්‍රපංචයන්ගෙන් බහිෂ්කරණය වීමට බලපාන ලද පුරවැසිභාවයේ අර්බුදය සොයා බැලීමයි. එහිදී පර්යේෂණ අරමුණ බවට පත් වූයේද මොවුන්ගේ මෙම අර්බුදයට සැඟවුණු හේතු සාධකයන් සොයා බැලීමයි. උප අරමුණු ලෙස රජයේ භූමිකාවන් හා වෙනස් කොට සැලකීම් මෙන්ම ප්‍රජාවගේ භූමිකාවන් හා සංවර්ධනයේ පවතින දුර්වලතා හඳුනා ගැනීමත් වේ. මෙම පර්යේෂණය ගුණාත්මක පර්යේෂණ සැලැස්මක් යටතේ සිදු කරනු ලැබූ අතර නුවරඑළිය ප්‍රදේශයේ අහඹු ලෙස තෝරාගත් දත්තදායකයින් විසිදෙනෙකුගෙන් ප්‍රාථමික දත්ත ගැඹුරු සමඟ සාකච්ඡා හා නිරීක්ෂණයන් තුළින් රැස් කරගත් අතර ද්විතියික දත්ත ලෙස Institution of Social Development යන ආයතනයෙන් ලබාගත් ලිපි හා වාර්තා ඇතුළත් වේ. මලෛයග දමිළ ජනතාව ජාතියට වඩා ජනවාර්ගිකත්වයට මුල් තැන ලබාදීම හේතුවෙන් ඔවුන් විසින්ම ඔවුන්ව සමාජය තුළ ආන්තීකරණයට ලක් කරගෙන ඇත. එහිදී ඔවුන්ට ශ්‍රී ලාංකික පුරවැසිභාවය තිබුණද ඔවුන්ගේ අයිතිවාසිකම් ලබා ගැනීම සඳහා හඬක් නැගීමට නොහැකි වන්නේද ඔවුන් තුළ පවතින්න දැනුමේ දුර්වලතාවය හා ඒ හරහා සමාජය තුළ බලයක් නොමැති වීමෙනි. එමෙන්ම ඔවුන්ගේ දැනුම වර්ධනය කර ගැනීම නිවැරදි සමාජානුයෝජනයක් සියලුම පරම්පරාවන්වලට සිදුකිරීම, එමෙන්ම උපසංස්කෘතිය මෙන්ම මහා සංස්කෘතියට අනුගත වීම, සමාජයේ සාමාජිකයන් විසින්ම බලගැන්වීමේ වැඩසටහන් ක්‍රියාත්මක කිරීම සිදු නොවීම හේතුවෙන් පුරවැසිභාවය හිමිවුවද ඔවුන්ට මෙවැනි වූ සමාජ ආර්ථික දේශපාලනික ගැටලුවලට දීර්ඝ කාලීනව මුහුණ දීමට සිදුවී ඇත. එමෙන්ම රාජ්‍ය අංශයේ භූමිකාවන් ලෙස ප්‍රතිපත්ති සකස් කිරීමේදී ආන්තීකරණයට ලක් වූ ප්‍රජාවන්ට අවධානය යොමු වූ කිරීමත් මෙම ප්‍රජාවගේ සංවර්ධනය ළඟා කර ගැනීම සඳහා ඔවුන්ට සුදුසු නිසි සවිබල ගැන්වීමේ ක්‍රමවේදයක් සකස් කිරීමත් වැදගත් වේ. අවසාන වශයෙන් නිසි ප්‍රතිපත්තියක් ක්‍රියාත්මක නොවීමත් ඒ වෙනුවෙන් ජනතාවගේ අවධානයක් නොමැතිවීම මත මෙම දමිළ ප්‍රජාව දීර්ඝ කාලීනව සමාජ, ආර්ථීක හා දේශපාලනික සංවර්ධන ගැටලුවලට මුහුණ දේ. එය තවදුරටත් රටේ අනෙකුත් ප්‍රපංචයන්ටද බලපෑමක් එල්ල කළ හැකිය. 2024-03-01T00:00:00Z