Abstract:
මානවයා ස්වකීය ජීවන ආශ මස්තකප‍්‍රාප්ත කර ගැනීමට බහුවිධ ප‍්‍රවේශ අනුගමනය කිරීම
ඉතිහාසයේ සිට නූතන සුහුරු යුගය දක්වාම සනාතනික ධර්මතාවකිx එහිලා ආගමික විශ්වාස
අරබයා ලැබෙන ආස්ථානය ඉහළ අගයකින් යුතුයx සංස්කෘතිකව තමාට ලැබී ඇති ආගමික
හරපද්ධතිය සහ ඊට ආනුශංගික පිළිවෙත් ඉටුකරමින් ඓහලෞකික හා පාරභෞතික ලෝකය සමග
සම්බන්ධතා ගොඩනගා ගැනීම දැකිය හැකියx කාලය සහ අවකාශයට සාපේක්ෂ විවිධ අභිචාර,
විශ්වාස යනාදිය එම අභිලාෂ සමග ප‍්‍රතිබද්ධ වෙයිx භූගෝලමය සහ ප‍්‍රදේශමය විවිධත්වයක්ද එම
අභිචාර විෂයක දැකිය හැකියx දකුණු පළාතේ ගාල්ල දිස්ත‍්‍රික්කයේ බෙන්තර ගංගාව සහ ගිං ගංගාව
අතර මුහුදාසන්න කලාපයේ දැකිය හැකි කිරිපෝය ශාන්තිකර්මය එවැන්නකිx කුලමය පදනමක්ද
සහිත එය කතරගම දෙවියන් සාර්ව වශයෙන්ද දෙවොල්, ගම්භාර, දැඩිමුණ්ඩ සහ පත්තිනි යන දෙවි
දේවතාවුන් ක්ෂුද්‍ර වශයෙන්ද වන්දනයට පාත‍්‍ර කරමින් සිදු කරනු ලබන උළෙලකිx සෑම වසරකම
ඇසළ හෝ නිකිණි පෝ දෙදිනෙන් එක් දිනෙක ඉටු කරනු ලබන එම චාරිත‍්‍රය ගමේ
දේවාලය/කෝවිල සහ නිවස ආශ‍්‍රිතව සිදු කරන්නකිx සමාජවිද්‍යාත්මකව නිරික්සන කල එය සමාජ
සුකෘත්‍යක් ඉටු කරන්නක් සේම බුද්ධාගම සහ දේවාගම අතර අතිපිහිතබව දැකිය හැකි අවස්ථාවකිx
කිරිපෝය, සුද්දෙ පෝය, දෙල්පෝය යනාදි නම් කිහිපයකින් හඳුන්වනු ලබන මෙම ශාන්තිකර්මය
පිළිබඳ සිදු කෙරුණු අධ්‍යයනද විරලයx මෙම පත‍්‍රිකාව ඔස්සේ එම උළෙලෙහි සාර්ව හා ක්ෂුද්‍ර
බලපෑම් වාස්තවික හා මනෝමූලික යන ප‍්‍රවේශද්වයෙන්ම පරීක්ෂා කරනු ලැබෙයිx
