මිරිස් බීජ පැල තුළ විෂවීමේ ප්‍රතිචාර කෙරෙහි ශාක සගන්ධ තෙල් සහ බහුලව භාවිතා වන කෘතිම පළිබෝධනාශක භාවිතයේ බලපෑම අධ්‍යනය

Abstract

පළිබෝධනාශක අධික ලෙස භාවිතා කිරීම විවිධ ආකාරවලින්, ඉලක්ක නොවන ධාරක ශාක වර්ධනයට අහිතකර ලෙස බලපෑ හැකිය. පළිබෝධනාශක ප්‍රේරිත ශාක තුළ විෂවීම මඟින් සෛල පරිවෘත්තීය, ජෛව රසායනික සහ අනෙකුත් භෞතික විද්‍යාත්මක ක්‍රියාකාරකම් කෙරෙහි අහිතකර බලපෑම් සඳහා හේතුවන ප්‍රතික්‍රියාශීලී ඔක්සිජන් විශේෂ (ROS) ඉහළ සාන්ද්‍රණ මඟින් ඉලක්ක නොවන ශාකවලට බලපෑම් එල්ලවිය හැකිය. ශාක තුළ විෂවීමේ ප්‍රතිචාර වශයෙන්, ශාක එන්සයිම සහ එන්සයිම නොවන සංරචක වලින් සමන්විත ප්‍රතිඔක්සිකාරක ආරක්ෂක පද්ධතියක් සක්‍රීය කරයි.