ශ්‍රී ලංකාවේ හම්බන්තොට දිස්ත්‍රික්කයේ කුඩා පරිමාණ කෙසෙල් වගාකරුවන් පටක රෝපිත කෙසෙල් වගාවට අනුගත වීම විෂ්ලේශනය කිරීම සහ එය ඔවුන්ගේ ආදායම සහ අස්වන්න කෙරෙහි ඇති කරන බලපෑම ඇගයීම

Abstract

කෙසෙල් යනු ශ්‍රී ලංකාවේ බොහෝ කුඩා පරිමාණ ගොවීන්ගේ ප්‍රධාන ආදායම් මාර් ගයකි. පටක රෝපණ කෙසෙල් තාක්ෂණයෙන් කෙසෙල් නිෂ්පාදනය සහ ආදායම ඉහළ නැංවිය හැකි නමුත් පටක රෝපණ කෙසෙල් වගාවට අනුගත වීම ප්‍රශ්නකාරී ය. මෙම පර්යේෂණය මඟින් පටක රෝපිත කෙසෙල් වගාවට අනුගත වීමට බලපාන සාධක සහ ඒ මඟින් කුඩා පරිමාණ කෙසෙල් වගාකරුවන්ගේ ආදායම් මට්ටමට වන බලපෑම පිළිබඳව විමසා බලන ලදී. මේ සඳහා ශ්‍රී ලංකාවේ හම්බන්තොට දිස්ත්‍රික්කයේ කුඩා පරිමාණ පටක රෝපිත කෙසෙල් වගාකරුවන්ගෙන් අවශ්‍ය විස්තර ලබා ගන්නා ලදී. තවද, මෙම පර්යේෂණයේ අරමුණු වන්නේ පටක රෝපිත කෙසෙල් වගාවට කෙසෙල් වගාකරුවන්ට අනුගත වීමට බලපාන සාධක සොයා බැලීම, ඒ මඟින් කුඩා පරිමාණ කෙසෙල් වගාකරුවන්ගේ ආදායම් මට්ටමට වන බලපෑම සොයා බැලීම, පටක රෝපිත කෙසෙල් වගාවට අනුගත වීමට ඇති ගැටළු පිළිබඳව අවබෝධයක් ලබා ගැනීම සහ එම ගැටළු වලට අවශ්‍ය පිළියම් ඉදිරිපත් කිරීම වැනි අරමුණුයි.